| Poesia
scritta da Giuseppe Trimarchi di Bruzzano in onore al nostro paese.
A NU VECCHJU PAISEGLIU
Si' tu comu na vecchja sdillongata
supra a nu letticegliu d'erba dura,
pochi capigli e senza dentatura,
si' stanca, suspiri e si' ffannata.
Sunnu attempati puru li figghj toi,
chi ti rallegraru la giuvinezza;
'u vinu si rigirau e sapi i fezza:
ndaviva pa mi succedi prima o poi.
Quattru casi, 'nu furnu e 'nu pagghjaru,
strati di petra cu vecchj armaceri,
supra a cima 'na gurna e 'nu biveri,
a posta, ddui putighj e nu scarparu.
Era pocu, ma ti bastava 'o stessu,
era la genti tua cuntenta tantu
ed eri la so' gioia e lu so' vantu:
li guai sunnu pa' cu veni appressu.
Ora dormi e riposa vecchjareglia,
nsònnati campagni tutti hjuruti,
non pensari cchjù gli tempi perduti
e praga pe' to' figghj, o MOTTICEGLIA.
Peppe
|
